De erschten Stare

Liecht ooch noch voller Schnee de Flur
un frierts in jeder Nacht uffs neie,
de erschten Stare schwärrn reddur
un halten ihrm Brinzib de Dreie.

Se hamm sichs ähm so vorgenomm:
Im Fewruar wärd losgefloochen !
Dr Friehling muß ja doch bald gomm.
Drum feifense schon ganz verwoochen.

So zeichense sich Jahr fier Jahr
als waachemutche Bioniere
un machen allen Leiten glar:
De scheenste Zeit steht vor dr Diere.
___
Lene Voigt

“Die FURCHT vor MÜCKEN
ist die KEHRSEITE
der LIEBE zu VÖGELN.“
[O. W.]